Dövlət Agentliyinin kollektivi Ümummilli lider Heydər Əliyevin məzarını ziyarət edib

          12 dekabr tarixi ölkəmizdə müstəqil Azərbaycanın memarı və qurucusu, görkəmli dövlət xadimi, xalqımızın Ümummilli lideri Heydər Əliyevin anım günü kimi qeyd olunur.

            Bu münasibətlə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin kollektivi Fəxri Xiyabanda Heydər Əliyevin xatirəsini ehtiramla yad edib.

            Dövlət Agentliyinin əməkdaşları Ümummilli lider Heydər Əliyevin məzarını ziyarət edib və gül dəstələri qoyublar.