"Hərbiyyə -101" düşərgəsi başa çatıb
10 sentyabr 2019-cu il tarixində "Hərbiyyə -101" hərbi vətənpərvərlik düşərgəsinin bağlanış mərasimi keçirilib.
Tədbirdə Birlik komandiri, general - mayor Mayis Bərxudarov, Beyləqan Rayon İcra Hakimiyyətinin başçısı Asif Ağayev, "ASAN Könüllüləri" Təşkilatının sədri Səbinə Cabarova və digər qonaqlar iştirak ediblər.
Mərasimdə düşərgə müddətində komandalar arasında keçirilən yarışların nəticələrinə uyğun olaraq mükafatlandırma mərasimi keçirilib.
Sonda xatirə şəkli çəkilib.
5-10 sentyabr tarixini əhatə edən və Bakı şəhərinin işğaldan azad olunmasının 101 illiyinə həsr edilmiş düşərgə "ASAN xidmət", Azərbaycan Respublikasının Müdafiə Nazirliyi və "ASAN Könüllüləri" Təşkilatının birgə təşkilatçılığı ilə reallaşdırılıb.
Layihənin media tərəfdaşları “Azərbaycan Televiziya və Radio Verilişləri” QSC, ASAN Radio və www.azvision.az xəbər saytıdır.
